'போர் பற்றிய படம் இல்லை அமரன்'- இயக்குனர் பெரியசாமி

சென்னை,

இயக்குனர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் 'அமரன்'. இப்படத்திற்கு ஜி.வி.பிரகாஷ் குமார் இசையமைத்துள்ளார். இந்த படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோர் நடித்துள்ளனர்.

கமல்ஹாசனின் ராஜ்கமல் பிலிம் இன்டர்நேஷனல் நிறுவனம் இப்படத்தை தயாரித்துள்ளது. இப்படம் மறைந்த ராணுவ வீரர் மேஜர் முகுந்த் வரதராஜனின் வாழ்க்கை வரலாற்றை கதையாக கொண்டுள்ளது. மேலும் இப்படம் வரும் தீபாவளி அன்று 31-ம் தேதி திரையரங்குகளில் வெளியாக உள்ளது.

கடந்த சில நாட்களாகவே இப்படத்திற்கான புரமோஷன் நிகழ்ச்சிகளில் படக்குழு கலந்து வருகிறது. இந்நிலையில், இயக்குனர் பெரியசாமி, 'அமரன்' போர் பற்றிய படம் இல்லை என்று கூறியுள்ளார். இது குறித்து அவர் கூறுகையில்,

'இது போர் பற்றிய படம் இல்லை. ஒரு ராணுவ வீரரோட வாழ்க்கை பயணம்தான் கதை. அவரது குடும்பம் எப்படி அந்த வாழ்க்கையை எடுத்துக்கொள்கிறார்கள், காஷ்மீரின் சூழ்நிலை, ராணுவத்தோட ரோல்? உள்ளூர் மக்கள் என்று கதை செல்லும்' என்றார்.