போதை பொருள் கடத்திய 4 பேர் கைது பெங்களூரில் இருந்து

தண்டராம்பட்டு, ஜன. 30: தண்டராம்பட்டு எஸ்ஐ தமிழரசி தலைமையில் கொண்ட போலீசார் நேற்று தென்முடியனுர் ஏரி கரை பகுதியில் வாகன சோதனை செய்தனர். அப்போது சரக்கு வாகனம் ஒன்று அவ்வழியாக வந்தது. அதனை நிறுத்தி சோதனை செய்தபோது சரக்கு வாகனத்தில் 32 கிலோ தடை செய்யப்பட்ட போதை பொருள் இருந்தது தெரிய வந்தது. டிரைவரிடம் விசாரித்தபோது கள்ளக்குறிச்சி மாவட்டம் சாரலூர் கூட்ரோடு பகுதியைச் சேர்ந்த மஞ்சுநாதன்(26) என தெரிய வந்தது. இவர் பெங்களூரில் இருந்து பழங்கள், காய்கறிகள், பெட்டிகளில் நடுவே மறைத்து எடுத்து வந்து தண்டராம்பட்டு ஊராட்சியை சேர்ந்த பாஸ்கரன்(66), ஜெயபால்(55), ராஜேந்திரன்(45) ஆகிய மூவரிடமும் விற்பனைக்காக கொடுப்பதற்காக எடுத்து வந்தது தெரியவந்தது. இதுகுறித்து வழக்குப்பதிவு செய்து சரக்கு வாகனத்தில் 32 கிலோ போதைப் பொருட்களை பறிமுதல் செய்து போதை பொருட்களை வாங்கி விற்பனை செய்ய காத்திருந்த 4 பேரை கைது செய்து தண்டராம்பட்டு நீதிமன்றத்தில் ஆஜர் படுத்தி சிறையில் அடைத்தனர்.

The post போதை பொருள் கடத்திய 4 பேர் கைது பெங்களூரில் இருந்து appeared first on Dinakaran.