பொங்கல் தகராறு :மூன்று பேர் கைது

சிவகாசி, ஜன.18: பொங்கல் விழாவில் மோதலில் ஈடுபட்ட மூன்று பேர் கைது செய்யப்பட்டனர். சிவகாசி அருகே எம்.புதுப்பட்டி போலீஸ் ஸ்டேசன் எல்லைக்குட்பட்ட பி.பாறைப்பட்டியை சேர்ந்தவர் சின்னகருப்பன்(20). இவர் சம்பவத்தன்று தனது ஊரில் நடைபெற்ற பொங்கல் விளையாட்டு விழாவை பார்த்துக்கொண்டிருந்த போது அங்கு வந்த அதே பகுதியை சேர்ந்த போதைராஜ்(45), உதயதேசிங்(19) ஆகியோர் தகராறு செய்து வாலிபர் சின்னகருப்பனை கம்பால் தாக்கியதாக கூறப்படுகிறது.

இதில் காயம் அடைந்த சின்னகருப்பன் எம்.புதுப்பட்டி போலீசில் புகார் கொடுத்தார். அந்த புகாரின் பேரில் போலீசார் வழக்குபதிவு செய்து போதைராஜ், உதயதேசிங் ஆகியோரை கைது செய்தனர். இதே சம்பவம் தொடர்பாக போதைராஜ் கொடுத்த புகாரின் பேரில் வழக்கு பதிவு செய்த போலீசார் வாலிபர் சின்னகருப்பனை கைது செய்தனர்.

The post பொங்கல் தகராறு :மூன்று பேர் கைது appeared first on Dinakaran.