பெண்ணை கொன்றவர் குண்டாசில் கைது

பழநி, ஜன. 30: பழநி அடிவாரம் மதனபுரத்தை சேர்ந்தவர் பஷீரா பேகம் (45). இவருக்கும், இதே பகுதியை சேர்ந்த முடி திருத்தும் தொழிலாளியான மாரிமுத்து (45) என்பவருக்கும் தகாத உறவு இருந்து வந்துள்ளது. இதில் ஏற்பட்ட தகராறில் கடந்த 2024 டிச.27ம் தேதி பஷீரா பேகத்தை தான் மறைத்து எடுத்து சென்ற கத்தியால் மாரிமுத்து கழுத்தை அறுத்து கொலை செய்தார்.

இதில் சம்பவ இடத்திலேயே பஷீரா பேகம் துடிதுடித்து உயிரிழந்தார். இவ்வழக்கில் கைதாகி இருந்த மாரிமுத்துவை குண்டர் தடுப்பு சட்டத்தில் கைது செய்ய மாவட்ட எஸ்பி பிரதீப், கலெக்டர் பூங்கொடிக்கு பரிந்துரை செய்தார். இதையடுத்து கலெக்டர் மாரிமுத்துவை குண்டர் தடுப்பு சட்டத்தில் கைது செய்ய உத்தரவிட்டார். இதை தொடர்ந்து போலீசார் மாரிமுத்துவை குண்டர் தடுப்பு சட்டத்தில் கைது செய்து மதுரை மத்திய சிறையில் அடைத்தனர்.

The post பெண்ணை கொன்றவர் குண்டாசில் கைது appeared first on Dinakaran.