புரோ கபடி லீக்; பாட்னா பைரேட்ஸ் - குஜராத் ஜெயண்ட்ஸ் அணிகள் இன்று மோதல்

புனே,

12 அணிகள் இடையிலான 11-வது புரோ கபடி லீக் போட்டி கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில் இந்த தொடரில் இன்று 2 லீக் ஆட்டங்கள் நடைபெறுகிறது. அதில் இரவு 8 மணிக்கு தொடங்கும் ஆட்டத்தில் பாட்னா பைரேட்ஸ் - குஜராத் ஜெயண்ட்ஸ் அணிகள் மோதுகின்றன. தொடர்ந்து இரவு 9 மணிக்கு தொடங்கும் ஆட்டத்தில் தபாங் டெல்லி - ஜெய்ப்பூர் பிங்க் பாந்தர்ஸ் அணிகள் மோத உள்ளன.

இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் பாட்னா பைரேட்ஸ் 2ம் இடத்திலும், தபாங் டெல்லி 4ம் இடத்திலும், ஜெய்ப்பூர் பிங்க் பாந்தர்ஸ் 5ம் இடத்திலும், குஜராத் ஜெயண்ட்ஸ் 11ம் இடத்திலும் உள்ளன.