பாகிஸ்தான் சூப்பர் லீக்கில் விளையாட ஜிம்பாப்வே டெஸ்ட் தொடரை தவறவிடும் வங்காளதேச முன்னணி வீரர்

டாக்கா,

ஐ.பி.எல். போன்று பாகிஸ்தானில் 'பாகிஸ்தான் சூப்பர் லீக்'(பிஎஸ்எல்) தொடர் நடைபெற்று வருகிறது. இந்த வருடத்திற்கான பி.எஸ்.எல். தொடர் வருகிற ஏப்ரல் 8-ம் தேதி முதல் மே 19-ம் தேதி வரை நடைபெற உள்ளது.

இதனிடையே ஜிம்பாப்வே கிரிக்கெட் அணி வங்காளதேசத்தில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாட உள்ளது.

இந்நிலையில் வங்காளதேச முன்னணி வீரரான லிட்டன் தாஸ் பாகிஸ்தான் சூப்பர் லீக்கில் விளையாட ஜிம்பாப்வேவுக்கு டெஸ்ட் தொடரிலிருந்து விலக முடிவு செய்துள்ளார். இதற்கு வங்காளதேச கிரிக்கெட் வாரியமும் அனுமதி அளித்துள்ளது.