பணியிடங்களில் பெண்களிடம் விரும்பத்தகாத செயலில் ஈடுபடுவதும் பாலியல் துன்புறுத்தலே: ஐகோர்ட்

சென்னை: பணிபுரியும் இடத்தில் பெண்களுக்கு அசவுகரியத்தை ஏற்படுத்துவதும், விரும்பத்தகாத செயல்களைச் செய்வதும், சொல்வதும்கூட ஒரு வகையில் பாலியல் துன்புறுத்தல்தான் என சென்னை உயர் நீதிமன்றம் கருத்து தெரிவித்துள்ளது.

சென்னை அம்பத்தூரில் உள்ள தனியார் மென்பொருள் நிறுவனத்தில் பணியாற்றிய மார்க்கெட்டிங் பிரிவு அதிகாரி, தங்களுக்கு பாலியல் ரீதியாக தொல்லை கொடுத்ததாக அங்கு பணிபுரியும் 3 இளம்பெண்கள் அந்நிறுவனத்தில் உள்ள விசாகா குழுவில் புகார் அளித்தனர். அந்தக் குழு சம்பந்தப்பட்ட அந்த அதிகாரிக்கு 2 ஆண்டுகளுக்கு ஊதிய உயர்வோ அல்லது பதவி உயர்வோ வழங்கக் கூடாது என பரிந்துரை செய்தது.