நமது சமூகநீதி முயற்சிகளில் வெற்றி பெறுவோம்: இம்மானுவேல் சேகரனார் பிறந்தநாளை முன்னிட்டு முதல்வர், தலைவர்கள் உறுதி

சென்னை: தியாகி இம்மானுவேல் சேகரனார் முன்னெடுத்த உரிமைப்போரும் நமது சமூகநீதி முயற்சிகளுக்கு என்றும் ஊக்கமளிக்கட்டும் என அவரது பிறந்தநாளையொட்டி முதல்வர் மு.க.ஸ்டாலின் மற்றும் மத்திய இணையமைச்சர் எல்.முருகன் உட்பட பல்வேறு அரசியல் கட்சித் தலைவர்கள் புகழாரம் சூட்டியுள்ளனர்.

முதல்வர் மு.க.ஸ்டாலின்: வெள்ளையனே வெளியேறு இயக்கத்தில்கலந்துகொண்டு நாட்டு விடுதலைக்காகச் சிறை ஏகியவரும், ஒடுக்கப்பட்ட மக்களின் சமூக விடுதலைக்காக இரட்டைக்குவளை எதிர்ப்பு மாநாடு உள்ளிட்ட பெரும்போராட்டங்களை முன்னெடுத்தவருமான தியாகி இம்மானுவேல் சேகரனாருக்கு பிறந்தநாள்.