தீபாவளி பண்டிகை: பள்ளிகள், கல்லூரிகளுக்கு இன்று அரைநாள் விடுமுறை

சென்னை,

தீபாவளி பண்டிகை நாளை (வியாழக்கிழமை) கொண்டாடப்பட இருக்கிறது. தீபாவளி பண்டிகை வியாழக்கிழமை வந்ததால், தொடர் விடுமுறைக்காக வெள்ளிக்கிழமையும் விடுமுறை அறிவிக்கப்பட்டது. அதன்படி, பள்ளி, கல்லூரி மாணவ-மாணவிகளுக்கு தீபாவளி பண்டிகைக்காக 4 நாட்கள் விடுமுறை அளிக்கப்பட்டது.

இந்த நிலையில், தீபாவளி பண்டிகைக்கு முந்தைய நாளான இன்று (புதன்கிழமை) பிற்பகல் பள்ளி, கல்லூரி மாணவ-மாணவிகளுக்கு விடுமுறையை தமிழக அரசு அறிவித்துள்ளது. இதுதொடர்பாக தமிழ்நாடு அரசு சார்பில் வெளியிடப்பட்டுள்ள செய்திக்குறிப்பில் கூறப்பட்டு இருப்பதாவது:-

தமிழ்நாட்டில் தீபாவளி பண்டிகையை முன்னிட்டு பள்ளிகள், கல்லூரிகள் மற்றும் கல்வி நிறுவனங்கள் 30-ந்தேதி (இன்று) முற்பகல் மட்டும் செயல்படும். பிற்பகல் விடுமுறை விடப்படுகிறது. இவ்வாறு அதில் தெரிவிக்கப்பட்டுள்ளது.