திருவண்ணாமலை அண்ணாமலையார் கோயிலில் ரூ3.45 கோடி உண்டியல் காணிக்கை

திருவண்ணாமலை: திருவண்ணாமலை அண்ணாமலையார் கோயிலில், பக்தர்கள் செலுத்தும் உண்டியல் காணிக்கை மாதந்தோறும் கோயில் நிர்வாகத்தின் சார்பில் எண்ணப்படுகிறது. அதன்படி, ஜனவரி மாத உண்டியல் காணிக்கை எண்ணும் பணி, அண்ணாமலையார் கோயில் மூன்றாம் பிரகாரத்தில் உள்ள அல ங்கார மண்டபத்தில் நேற்று காலை 8 மணிக்கு தொடங்கி இரவு 7 மணி வரை நடந்தது. கோயில் இணை ஆணையர் ஜோதி, அறங்காவலர் குழு தலைவர் ஜீவானந்தம் மற்றும் அறங்காவலர்கள் முன்னிலையில் இப்பணி நடந்தது.

ரூ3 கோடியே 45 லட்சத்து 51 ஆயிரத்து 797 மற்றும் 112 கிராம் தங்கம், 1.96 கிலோ வெள்ளி ஆகியவற்றை பக்தர்கள் காணிக்கையாக செலுத்தியிருந்தனர். மேலும், வெளிநாட்டு கரன்சிகளும் உண்டியலில் செலுத்தப்பட்டிருந்தது. இந்த காணிக்கை தொகை உடனடியாக அண்ணாமலையார் கோயில் வங்கி கணக்கில் செலுத்தப்பட்டது.

The post திருவண்ணாமலை அண்ணாமலையார் கோயிலில் ரூ3.45 கோடி உண்டியல் காணிக்கை appeared first on Dinakaran.