திருத்தணி அரசு கலை கல்லூரியில் தொழில்நெறி வழிகாட்டும் கருத்தரங்கம்: வெற்றி பெற்ற மாணவர்களுக்கு சான்றிதழ்

திருத்தணி, ஜன. 30: திருவள்ளூர் மாவட்ட வேலைவாய்ப்பு மற்றும் பயிற்சித்துறை, திருத்தணி சுப்பிரமணிய சுவாமி அரசு கலை மற்றும் அறிவியல் கல்லூரி இணைந்து மாணவர்களுக்கு தொழில்நெறி வழிகாட்டும் கண்காட்சி மற்றும் கருத்தரங்கம் நடத்தியது. கல்லூரி முதல்வர் பூர்ணசந்திரன் முன்னிலை வகித்தார். மாவட்ட வேலைவாய்ப்பு மற்றும் தொழில்நெறி வழிகாட்டும் மையம் உதவி இயக்குநர் விஜயா வரவேற்றார். நிகழ்ச்சியில், பயிற்சி கலெக்டர் ஆயுஷ் குப்தா பங்கேற்று தொழில்நெறி வழிகாட்டும் கண்காட்சியை தொடங்கி வைத்து மாணவர்கள் போட்டித் தேர்வுக்கு தயார் படுத்திக்கொள்ள ஏதுவாக கண்காட்சியில் வைக்கப்பட்ட பல்வேறு போட்டித் தேர்வு நூல்களை பார்வையிட்டார்.
இதனையடுத்து, நடைபெற்ற கருத்தரங்கில் பயிற்சி கலெக்டர் ஆயுஷ் குப்தா விழிப்புணர்வு ஏற்படுத்தினார். தொழில்நெறி வழிகாட்டும் கருத்தரங்கத்தை முன்னிட்டு மாணவ, மாணவிகளுக்கு பல்வேறு போட்டிகள் நடத்தப்பட்டன. அதில், வெற்றி பெற்றவர்களுக்கு பயிற்சி கலெக்டர் சான்றிதழ்களை வழங்கினார். இதில் மாவட்ட வேலைவாய்ப்பு அலுவலர் வடிவேலு, கல்லூரி பேராசிரியர்கள், போலீஸ் இன்ஸ்பெக்டர் மதியரசன் உட்பட பலர் கலந்துகொண்டனர். முடிவில் வேலைவாய்ப்பு மையம் இளநிலை உதவியாளர் கிருஷ்ணன் நன்றி கூறினார்.

The post திருத்தணி அரசு கலை கல்லூரியில் தொழில்நெறி வழிகாட்டும் கருத்தரங்கம்: வெற்றி பெற்ற மாணவர்களுக்கு சான்றிதழ் appeared first on Dinakaran.