தாராபுரம் அருகே பாலம் பணிக்காக தோண்டிய குழியில் பைக் விழுந்து தம்பதி உயிரிழப்பு: சிறுமிக்கு தீவிர சிகிச்சை

தாராபுரம்: வெளியூர் சென்று விட்டு இரவில் இரு சக்கர வாகனத்தில் வீட்டுக்கு திரும்பிக் கொண்டிருந்தபோது, சாலையில் பாலம் கட்டுவதற்காக தோண்டப்பட்ட குழியில் தவறி விழுந்ததில் தம்பதி உயிரிழந்தனர். சிறுமி படுகாயம் அடைந்தார்.

திருப்பூர் மாவட்டம் தாராபுரம் அடுத்த குண்டடம் சூரியநல்லூர் பகுதியைச் சேர்ந்த தம்பதி நாகராஜ்(40), ஆனந்தி(35). இவர்களது மகள் தீக்ஷிதா(15). மூவரும் குடும்பத்துடன் திருநள்ளாறு கோயிலுக்கு ஆன்மீக சுற்றுலா சென்று விட்டு நேற்று இரவு அவர்களது வீட்டிற்கு திரும்பினர்.