தவெக மாநாடு: குவியும் ரசிகர்கள், தொண்டர்கள்; திணறும் விக்கிரவாண்டி - போக்குவரத்தில் மாற்றம்

விழுப்புரம்: தமிழக வெற்றிக் கழகத்தின் முதல் மாநாடு விழுப்புரம் மாவட்டம் விக்கிரவாண்டி அடுத்துள்ள வி.சாலையில் ‘வெற்றி கொள்கை திருவிழா’ என்ற பெயரில் இன்று (ஞாயிறு) மாலை நடைபெறுகிறது. மாநாட்டில் கட்சியின் தலைவர் விஜய் 100 அடி கம்பத்தில் கட்சிக் கொடியை ஏற்றி வைத்து பேச உள்ளார்.

இந்த மாநாட்டுக்கு தமிழகம் மற்றும் புதுச்சேரி முழுவதும் இருந்து கட்சி நிர்வாகிகள், தொண்டர்கள், பொதுமக்கள் பலர் நேற்று இரவு முதலே மாநாட்டு திடலுக்கு வரத்தொடங்கினர். காலை 6 மணிக்கு மேல் ஆயிரக்கணக்கானோர் குவிந்தனர்.