தமிழகத்தில் மருத்துவர்கள் 24 மணி நேர வேலைநிறுத்தம்: ஐஎம்ஏ மாநிலத் தலைவர் தகவல்

ஈரோடு: சென்னையில் மருத்துவர் பாலாஜி தாக்கப்பட்டதைக் கண்டித்து 24 மணி நேர வேலை நிறுத்தத்தை மருத்துவர்கள் தொடங்கியுள்ளதாக இந்திய மருத்துவச் சங்கம் (ஐஎம்ஏ) அறிவித்துள்ளது.

இது குறித்து இந்திய மருத்துவ சங்கத்தின் மாநிலத் தலைவர் கே.எம்.அபுல் ஹசன் புதன்கிழமை ஈரோட்டில் செய்தியாளர்களிடம் கூறியது: “சென்னை கிண்டியில் செயல்படும் கலைஞர் நூற்றாண்டு மருத்துவமனையில் பணிபுரியும் மருத்துவர் பாலாஜியை நோயாளியின் உறவினர் ஒருவர் கத்தியால் குத்திய சம்பவத்தை வன்மையாகக் கண்டிக்கிறோம். இதற்கு கண்டனம் தெரிவிக்கும் வகையில், இந்திய மருத்துவ சங்கம் தமிழ்நாடு கிளையின் சார்பில் இன்று (நவ.13) மாலை 6 மணி முதல் நாளை (நவ.14) மாலை 6 மணி வரை மருத்துவர்கள் வேலை நிறுத்தத்தில் ஈடுபட்டுள்ளோம்.