தமிழகத்தில் பால் விற்பனை 6 லட்சம் லிட்டராக அதிகரிப்பு: அமைச்சர் ராஜ கண்ணப்பன் பெருமிதம்

திருப்பூர்: “தமிழகத்தில் பால் விற்பனையை 6 லட்சம் லிட்டர் அதிகரித்துள்ளதாக” தமிழக பால்வளத்துறை அமைச்சர் ராஜ கண்ணப்பன் கூறியுள்ளார்.

திருப்பூர் வீரபாண்டி பிரிவு ஆவின் பால் உற்பத்தியாளர் ஒன்றிய வளாகத்தில்அமைச்சர் ராஜ கண்ணப்பன் இன்று (நவ. 8) ஆய்வு மேற்கொண்டார். பின்னர் செய்தியாளர்களைச் சந்தித்த அவர் கூறியதாவது: “திருப்பூரில் தற்போது தினமும் 40 ஆயிரம் லிட்டர் பால் விற்பனை ஆகிறது. இதை 50 ஆயிரம் லிட்டராக உயர்த்த வேண்டுமென கூறி இருக்கிறோம். பொதுமக்களின் நன்மை கருதி பால் விலையை குறைத்தது திமுக தான். ஆவினில் நிறைய மாற்றங்கள் கொண்டுவரப்பட்டுள்ளது.