தமிழகத்தில் ஐயப்ப பக்தர்கள் சென்ற கார் விபத்து: கொள்ளேகாலை சேர்ந்த 2 பேர் பலி

கொள்ளேகால்: சபரிமலைக்கு சென்ற ஐயப்ப பக்தர்களின் கார் தமிழகத்தில் விபத்துக்குள்ளானது. இதில், கொள்ளேகாலை சேர்ந்த இரண்டு பேர் இறந்து மற்றவர்கள் காயமடைந்த சம்பவம் தமிழகத்தில் நடந்துள்ளது. சாம்ராஜ்நகர் மாவட்டம், கொள்ளேகாலை சேர்ந்த ஐயப்ப பக்தர்கள் சபரிமலைக்கு சென்றனர். அவர்கள் சென்ற கார் தமிழகத்தின் மேட்டுபாளையம் – சிறுமுகை சாலையில் நேற்று அதிகாலை சென்ற போது டிரைவரின் கட்டுப்பாட்டை இழந்து சாலையோரம் இருந்த மரத்தில் மோதியது.

இந்த விபத்தில் சாம்ராஜ்நகர் மாவட்டம் கொள்ளேகாலை சேர்ந்த நாகராஜ் (65) மற்றும் வெங்கடாத்ரி (55) ஆகியோர் சம்பவ இடத்திலேயே இறந்துள்ளனர். மேலும், கொள்ளேகாலை சேர்ந்தவர்களான சுவாமி, மகேஷ் மற்றும் குமார் ஆகியோர் படுகாமடைந்தனர். அவர்கள் மேட்டுபாளையம் மருத்துவமனையில் சிகிச்சை பெற்று வருவதாக கூறப்படுகிறது. இச்சம்பவம் குறித்து சிறுமுகை காவல்நிலையத்தில் வழக்கு பதிவு செய்யப்பட்டுள்ளது.

The post தமிழகத்தில் ஐயப்ப பக்தர்கள் சென்ற கார் விபத்து: கொள்ளேகாலை சேர்ந்த 2 பேர் பலி appeared first on Dinakaran.