தமிழகத்தில் 4,453 வேளாண் கடன் சங்கங்கள் பொது சேவை மையமாகவும் இயங்கும்: திமுக எம்.பி. கனிமொழி சோமு கேள்விக்கு அமித் ஷா பதில்

சென்னை: தமிழகத்​தில் உள்ள 4,453 வேளாண் கடன் சங்கங்கள் பொது சேவை மையங்​களாக​வும் செயல்​படும் என்று நாடாளு​மன்​றத்​தில் மத்திய உள்துறை அமைச்சர் அமித் ஷா தெரி​வித்​துள்ளார். நாடாளு​மன்ற மாநிலங்​களவை​யில், ‘தமிழகத்​தில் உள்ள தொடக்க வேளாண் கூட்டுறவு கடன் சங்கங்களை பொருளாதார ரீதியாக வலுப்​படுத்​த​வும், அந்த சங்கங்களை பொது​மக்கள் சேவை மையமாக மாற்​ற​வும் எடுத்த நடவடிக்கைகள் என்ன?’ என்று தி.மு.க. எம்.பி., கனிமொழி என்விஎன். சோமு கேள்வி எழுப்​பி​யிருந்​தார்.

இதற்கு மத்திய உள்துறை, கூட்டுறவுத் துறை அமைச்சர் அமித் ஷா அளித்த பதிலில் கூறி​யிருப்​ப​தாவது:4கிராமப்பு​றங்​களில் இயங்​கும் தொடக்க வேளாண் கடன் சங்கங்களை பொருளாதார ரீதியாக வலுப்​படுத்த பல்வேறு நடவடிக்கைகளை மத்திய அரசு எடுத்து வருகிறது. இதன் ஒருபகு​தியாக நாட்​டிலுள்ள 67,930 வேளாண் கடன் சங்கங்களை கணினிமய​மாக்கி ஒருங்​கிணைக்​கும் பணிகள் முழு​வீச்​சில் நடந்து வருகின்றன.