தக்காளி விலை திடீர் வீழ்ச்சி

பாப்பிரெட்டிப்பட்டி, அக்.10:பாப்பிரெட்டிப்பட்டி பகுதியில் தக்காளி விலை திடீரென விலை சரிந்தது. கடந்த சில நாட்களுக்கு முன்பு 28 கிலோ எடை கொண்ட ஒரு கிரேடு தக்காளி ₹1600க்கு விற்கப்பட்டது. நேற்று திடீரென தக்காளி விலை குறைந்து கிரேடு ₹500க்கு விற்பனை செய்யப்பட்டது. பாப்பிரெட்டிப்பட்டி, பொம்மிடி, கடத்தூர் மற்றும் சுற்றியுள்ள கிராம பகுதிகளில் விவசாயிகள் அதிக அளவில் தக்காளி பயிர் செய்துள்ளனர். வரட்சி காரணமாக வரத்து குறைந்ததால் அதிகரித்த விலை, மூன்று நாட்களில் மீண்டும் தக்காளி வரத்து அதிகரித்து விலை சரிந்தது. இதனால் தக்காளி பயிரிட்டுள்ள விவசாயிகள் அதிர்ச்சி அடைந்தனர்.

The post தக்காளி விலை திடீர் வீழ்ச்சி appeared first on Dinakaran.