டூவீலர் திருடிய வாலிபர் கைது

ஓசூர், ஜன.30: ஓசூர் பாகலூர் சாலை சமத்துவபுரம் அனுமந்த் நகரை சேர்ந்தவர் பிரசாந்த் (27), காவலாளி. இவர் கடந்த 26ம் தேதி இரவு இ.எஸ்.ஐ. ரிங் ரோடு அருகில் தனது டூவீலரை நிறுத்தி விட்டு மளிகை பொருட்களை வாங்க சென்றார். பின்னர் மீண்டும் திரும்பி வந்து பார்த்தபோது டூவீலர் திருடுபோனது தெரியவந்தது. இதுபற்றி அவர் சிப்காட் காவல்நிலையத்தில் புகாரளித்தார். அதன்பேரில் போலீசார் வழக்கு பதிவு செய்து விசாரணை நடத்தி வந்தனர். அதில், தர்மபுரி மாவட்டம் பாலக்கோடு கடமட்டை பகுதியை சேர்ந்த சஞ்சய் (20) என்பவர் தான், பிரசாந்தின் டூவீலரை திருடிச்சென்றிருப்பது தெரிந்தது. இதையடுத்து அவரை போலீசார் கைது செய்து விசாரணை நடத்தி வருகின்றனர்.

The post டூவீலர் திருடிய வாலிபர் கைது appeared first on Dinakaran.