டிபிஐ வளாகத்தில் பொதுக் கழிப்பறை இல்லை!

ஏராளமான அரசுத்​ துறை தலைமை அலுவல​கங்கள் இயங்கி வரும் டிபிஐ வளாகத்​தில் பொதுக் கழிப்பறை வசதி இல்லாதது, அங்கு வரும் பொது​மக்​களுக்கு பெரும் சங்கடமாக இருந்து வருகிறது. சென்னை நுங்​கம்​பாக்கம் கல்லூரிச் சாலை​யில் அமைந்​துள்ளது டிபிஐ வளாகம். தற்போது அதன் பெயர் பேராசிரியர் அன்பழகன் வளாகம் என மாற்​றப்​பட்​டுள்​ளது. இங்கு அரசுத்​துறை​களின் தலைமை அலுவல​கங்கள் பல இயங்கி வருகின்றன.

பள்ளிக்​கல்வி இயக்​குநர் அலுவல​கம், தொடக்கக் கல்வி இயக்​குநர் அலுவல​கம், மாநில கல்வி​யியல் ஆராய்ச்சி மற்றும் பயிற்சி நிறுவன இயக்​குநர் அலுவல​கம், ஆசிரியர் தேர்வு வாரி​யம், தனியார் பள்ளிகள் இயக்​குநர் அலுவல​கம், அரசு தேர்​வுத்​துறை இயக்குநர் அலுவல​கம், பள்ளிசாரா கல்வி மற்றும் வயது வந்தோர் கல்வி இயக்​குநர் அலுவல​கம், ஒருங்​கிணைந்த பள்ளிக்​கல்வி (எஸ்​எஸ்ஏ) மாநில திட்ட இயக்​குநர் அலுவல​கம், தமிழ்​நாடு பாடநூல் மற்றம் கல்வி​யியல் பணிகள் கழகம், மாநில பெற்​றோர் ஆசிரியர் கழகம் என பள்ளிக்​ கல்​வித்​துறை தொடர்பான அனைத்து தலைமை அலுவல​கங்​களும் இந்த வளாகத்​தில்​தான் உள்ளன.