1 month ago
7
மதுரை, டிச. 7: டிச.6 தினத்தை முன்னிட்டு, மதுரையில் பல்வேறு முஸ்லிம் அமைப்புகள் சார்பில் நேற்று ஆர்ப்பாட்டம் நடந்தது. இதன்படி மதுரை, கிரைம் பிராஞ்ச் பகுதியில் மமக சார்பில் நடந்த ஆர்ப்பாட்டத்தில், கட்சியின் மாநில செயலாளர் ஜலால் முகம்மது, துணை செயலாளர் அப்துல் காதர் உட்பட பலர் கலந்து கொண்டனர். அதேபோல், இந்திய தவ்ஹீத் ஜமாத் அமைப்பு சார்பில் தெற்கு வாசலில் உள்ள மசூதி அருகில் நடந்த ஆர்ப்பாட்டத்திற்கு மாவட்ட தலைவர் சாகுல் ஹமீது தலைமை வகித்தார்.
வில்லாபுரம் வீட்டு வசதிவாரிய குடியிருப்பு பகுதியில் எஸ்டிபிஐ சார்பில் நடந்த ஆர்ப்பாட்டத்தில் தெற்கு மாவட்ட தலைவர் சீமான் சிக்கந்தர் உட்பட 50க்கும் மேற்பட்டோர் கலந்து கொண்டனர். இதில் சிறுபான்மையினரின் மத வழிபாட்டு தலங்களை ஒன்றிய, மாநில அரசுகள் பாதுகாக்க வேண்டும் என்பன உள்ளிட்ட, பல்வேறு கோரிக்கைகள் வலியுறுத்தப்பட்டன.
The post டிச.6 தினத்தையொட்டி முஸ்லிம் அமைப்பினர் ஆர்ப்பாட்டம் appeared first on Dinakaran.
English (US) ·