சென்னை, கோவை உட்பட புதிதாக 6 இடங்களில் தோழி மகளிர் விடுதிகள்: டெண்டர் கோரியது தமிழக அரசு

சென்னை: தமிழகத்தில் சென்னை, கோவை, ராமநாதபுரம் உட்பட மேலும் 6 இடங்களில் தோழி மகளிர் விடுதிகள் கட்டுவதற்கு தமிழக அரசு டெண்டர் கோரியுள்ளது. சென்னை, கோவை, திருச்சி போன்ற பெருநகரங்களில், வெளி மாவட்டங்களை சேர்ந்த பெண்கள் அதிக அளவில் தங்கியிருந்து, பல்வேறு நிறுவனங்களில் பணியாற்றி வருகின்றனர்.

இதில் பலரும் தனியார் விடுதிகளில் அதிக வாடகை கொடுத்து தங்க வேண்டியுள்ளது. இதை தவிர்க்கும் விதமாக, பணிபுரியும் பெண்களின் வசதிக்காக குறைந்த வாடகையில் ‘தோழி’ மகளிர் விடுதி திட்டத்தை சமூக நலத் துறையின்கீழ் தமிழக அரசு அறிமுகம் செய்தது.