சித்தார்த்தின் 40-வது பட டைட்டில் டீசருடன் வெளியான பர்ஸ்ட் லுக்

சென்னை,

தமிழ் சினிமாவின் முன்னணி நடிகராக வலம் வருபவர் சித்தார்த். இவர் நடிப்பில் கடைசியாக வெளியான படம் 'மிஸ் யூ'. 7 மைல்ஸ் பெர் செகண்ட் தயாரிப்பு நிறுவனம் சார்பில் என்.ராஜசேகர் இயக்கிய இப்படம் கலவையான விமர்சனங்களையே பெற்றது.

அதனை தொடர்ந்து நடிகர் சித்தார்த் தனது 40-வது படத்தில் நடிக்கிறார். இந்த படத்தை 8 தோட்டாக்கள், குருதி ஆட்டம் படங்களை இயக்கிய ஸ்ரீ கணேஷ் இயக்குகிறார். சாந்தி டாக்கீஸ் நிறுவனம் தயாரிக்கும் இப்படத்தில் சித்தார்த்துடன் மீதா ரகுநாத், சைத்ரா, சரத்குமார் மற்றும் தேவயானி ஆகியோர் முக்கிய கதாபாத்திரங்களில் நடிக்கின்றனர்.

இப்படத்திற்கு அம்ரித் ராம்நாத் இசையமைக்கிறார். இந்நிலையில், சித்தார்த்தின் 40-வது படத்தின் டைட்டில் டீசருடன் பர்ஸ்ட் லுக்கை படக்குழு வெளியிட்டுள்ளது. அதன்படி, இப்படத்திற்கு 3 பிஎச்கே என பெயரிடப்பட்டுள்ளது.