சஞ்​சார் சாதி!

டிஜிட்டல் வளர வளர அதன் ஆபத்துகளும் அதிகளவில் வளர்ந்து வருகின்றன. இதற்கு என்னதான் தனிநபர்கள் பாதுகாப்பாக இருக்க முயற்சித்தாலும் இன்னமும் கிராமங்களில் உள்ள எளிய மனிதர்களால் இந்த டிஜிட்டல் ஆபத்துகளை அவ்வளவு சுலபமாகக் கடக்க முடியவில்லை. ஒவ்வொரு மணி நேரத்திலும் எத்தனையோ ஆயிரம் மக்கள் தங்களுக்கே தெரியாமல், அறியாமல் தாங்கள் உழைத்த பணத்தை இந்த டிஜிட்டல் யுகத்தில் இழக்கிறார்கள். அதற்குதான் உதவ இருக்கிறது ‘சஞ்சார் சாதி’ செயலி. போலி அழைப்புகள் மூலம் நடைபெறும் சைபர் குற்​றங்களை தடுக்​கும் வகையில் செல்​போன் செயலி மற்றும் 2.7 லட்சம் கிராமங்களை இணைக்​கும் இணையவழி சேவை 2.0 திட்டம் ஆகிய​வற்றை மத்திய தகவல் தொடர்​புத்​துறை அமைச்சர் ஜோதிரா​தித்யா எம்.சிந்தியா தொடங்கி வைத்​திருக்கிறார். மத்திய தகவல் தொடர்​புத்​துறை சார்​பில் தேசிய இணையவழி சேவை 2.0 மற்றும் சைபர் குற்​றங்களை தடுப்​ப​தற்கான ‘சஞ்​சார் சாதி’ செல்போன் செயலி திட்​டங்கள் விரைவில் இந்தியாவில் செயல்பட இருக்கின்றன. இதன் மூலம் செல்​போன்​களுக்கு வரும் போலி அழைப்புகள் குறித்த விவரங்களை இந்த செயலி​யில் பதிவு செய்​வதன்மூலம், அந்த செல்​போன் எண் தொடர்பான அனைத்து புகார்களும் சம்பந்​தப்​பட்ட ஆபரேட்​டர்​களுக்கு வழங்கப்​பட்டு உடனடி நடவடிக்கை மேற்​கொள்​ளப்​படும். மேலும் நமது பெயர் மற்றும் ஆவணங்​களைப் பயன்​படுத்தி வேறு யாராவது செல்​போன் எண்ணை பயன்படுத்தி வந்தால், அதையும் கண்டறிந்து துண்​டித்து​விடலாம்.

The post சஞ்​சார் சாதி! appeared first on Dinakaran.