கோவை: பராமரிப்பு பணி காரணமாக ரெயில் சேவையில் மாற்றம்

திருப்பூர்,

கோவை மாவட்டம் இருகூர் ரெயில் நிலையத்தில் தண்டவாளம் பராமரிப்பு பணியால் குறிப்பிட்ட ரெயில் சேவைகளில் மாற்றம் செய்யப்பட்டுள்ளது. எர்ணாகுளம்-டாடாநகர் எக்ஸ்பிரஸ்(வண்டி எண்.18190) இன்று(புதன்கிழமை) போத்தனூர்-கோவை-இருகூர் வழியாக இயக்கப்படும். ஆலப்புழா-தன்பாத் எக்ஸ்பிரஸ்(13352) இன்று 25 நிமிடங்கள் வசதியான இடத்தில் நிறுத்தப்படும்.

திருச்சி-பாலக்காடு எக்ஸ்பிரஸ்(16843) வருகிற 4 மற்றும் 6-ந் தேதிகளில் சூலூரில் இருந்து பாலக்காடுக்கு முன்பதிவு செய்யப்படாத சிறப்பு ரெயிலாக இயக்கப்படும். இந்த தகவலை சேலம் ரெயில்வே கோட்ட அதிகாரி மரியா மைக்கேல் தெரிவித்துள்ளார்.