கொடைக்கானலில் நள்ளிரவு குளிரில் புத்தாண்டு கொண்டாட தயாராகும் சுற்றுலா பயணிகள் 

கொடைக்கானல்: கொடைக்கானலில் நள்ளிரவு குளிரில் (14 டிகிரி செல்சியஸ்) புத்தாண்டை கொண்டாட சுற்றுலா பயணிகள் ஆர்வமுடன் குவிந்து வருகின்றனர். தனியார் ஹோட்டல்கள் புத்தாண்டை முன்னிட்டு பல்வேறு சிறப்பு நிகழ்ச்சிகளை ஏற்பாடு செய்துள்ளன.

கொடைக்கானலுக்கு கோடை சீசன் மட்டுமல்லாது வார விடுமுறை நாட்கள், தொடர் விடுமுறை காலங்களில் சுற்றுலாபயணிகள் வருகை அதிகரித்து காணப்படும். தற்போது அரையாண்டு தேர்வு விடுமுறை என்பதால் பலரும் குடும்பத்துடன் கொடைக்கானலுக்கு வந்து சென்ற வண்ணம் உள்ளனர். புதன்கிழமை புத்தாண்டு பிறக்க உள்ள நிலையில், புத்தாண்டு கொண்டாட்டத்துக்காக கொடைக்கானலில் உள்ள தனியார் ஹோட்டல்கள் சுற்றுலா பயணிகளை கவரும் வகையில் பல்வேறு நிகழ்ச்சிகளுக்கு ஏற்பாடு செய்து வருகின்றன.