கேசினோ – டிபிஓ., சாலையில் இருபுறமும் வாகனம் நிறுத்துவதால் போக்குவரத்து பாதிப்பு

ஊட்டி : ஊட்டி நகரின் முக்கிய சாலையான கேசினோ சந்திப்பு முதல் டிபிஓ, வரையுள்ள சாலையில் இரு புறங்களிலும் வாகனங்கள் நிறுத்துவதால் தற்போது அடிக்கடி போக்குவரத்து நெரிசல் ஏற்படுகிறது. சுற்றுலா நகரமான ஊட்டிக்கு நாள்தோறும் ஏராளமான சுற்றுலா பயணிகள் வருகின்றனர்.

மேலும், பல்வேறு தேவைகளுக்காக கிராமங்களில் இருந்தும் ஏராளமான மக்கள் வந்து செல்கின்றனர். ஊட்டி நகரில் போதிய பார்க்கிங் வசதிகள் இல்லாத நிலையில், இங்கு வரும் பொதுமக்கள் மற்றும் சுற்றுலா பயணிகள் ேகசினோ சந்திப்பு முதல் டிபிஓ வரை சாலையோரத்தில் வாகனங்கள் நிறுத்த காவல்துறை அனுமதியளித்துள்ளது. கடந்த காலங்களில் இச்சாலையில் குறைந்த வாகனங்களே நிறுத்தப்படும்.

ஆனால், தற்போது கமர்சியல் சாலையில் வாகனங்கள் நிறுத்த பார்க்கிங் கட்டணமாக ரூ.60 வசூலிக்கப்படுகிறது. இதனால், பெரும்பாலனவர்கள் கேசினோ சந்திப்பு – டிபிஓ, சந்திப்பு இச்சாலையில் வாகனங்களை நிறுத்துகின்றனர்.

பெரும்பாலான சமயங்களில் இச்சாலையில் இரு புறங்களிலும் வாகனங்களை நிறுத்தி விடுகின்றனர். குறிப்பாக, வார விடுமுறை நாட்களின் போது, ஏராளமான வாகனங்கள் இச்சாலையில் இரு புறங்களிலும் நிறுத்தி விடுகின்றனர்.

இதனால், இவ்வழித்தடத்தில் வாகனங்கள் செல்ல முடியாத அளவிற்கு சில சமயங்களில் போக்குவரத்து நெரிசல் ஏற்படுகிறது. எனவே, கேசினோ சந்திப்பு முதல் டிபிஓ வரை சாலையோரங்களில் இருபுறமும் வாகனங்கள் நிறுத்தாமல் இருக்க போலீசார் நடவடிக்கை எடுக்க வேண்டும் என வாகன ஓட்டுநர்கள் வலியுறுத்தியுள்ளனர்.

The post கேசினோ – டிபிஓ., சாலையில் இருபுறமும் வாகனம் நிறுத்துவதால் போக்குவரத்து பாதிப்பு appeared first on Dinakaran.