குதிரைவாலி டிரை ஃப்ரூட்ஸ் பொங்கல்

தேவையானவை:

குதிரைவாலி ஒரு கப்
பால் ஒரு கப்
வெல்லம் 1கப்
தண்ணீர் ஒரு கப்
நெய் நான்கு ஸ்பூன்
முந்திரிப் பருப்பு 10
பாதாம் 10
அக்ரூட் 1 ஸ்பூன்
பேரிச்சம் பழம் 4
காய்ந்த திராட்சை 10
மலை வாழைப்பழம் 2 (சின்னது)
உப்பு ஒரு சிட்டிகை

செய்முறை:

வெல்லத்துடன் சிறிது தண்ணீர்விட்டு அடுப்பில் வைத்து கரைந்ததும் வடிகட்டி இரண்டு நிமிடங்கள் கொதிக்க விடவும். குதிரைவாலியை ஒரு கப் தண்ணீரில் 5 நிமிடங்கள் ஊறவைத்து குக்கரில் போட்டு பால், தண்ணீர் இரண்டையும் தலா ஒரு கப் விட்டு இரண்டு விசில் வரும் வரை வைத்து அடுப்பை சிம்மில் வைத்து ஐந்து நிமிடங்கள் கழித்து அணைக்கவும். பிரஷர் போனதும் அரிசியை நன்கு மசித்து வெல்லக் கரைசலையும், நெய்யையும் விட்டு பொடியாக நறுக்கிய வாழைப்பழம், நெய்யில் வறுத்த முந்திரி, திராட்சை, பாதாம், அக்ரூட், பேரீச்சை ஆகியவற்றை சேர்த்து நன்கு கலந்து சுருள வந்ததும் அடுப்பை அணைத்துவிடவும். மிகவும் ருசியான குதிரைவாலி டிரை ஃப்ரூட்ஸ் பொங்கல் தயார்.

The post குதிரைவாலி டிரை ஃப்ரூட்ஸ் பொங்கல் appeared first on Dinakaran.