கிராமப்புறங்களில் வீடு தேடி அறுவை சிகிச்சை தொடங்க திட்டம்: விஞ்ஞானி மயில்சாமி அண்ணாதுரை

சென்னை: கிராமப்புறங்களில் வீடு தேடி அறுவை சிகிச்சை அளிப்பதற்காக புதிய திட்டம் தொடங்கப்படவுள்ளதாக இஸ்ரோ விஞ்ஞானி மயில்சாமி அண்ணாதுரை தெரிவித்தார். இந்திய ரேடியாலஜி மற்றும் இமேஜிங் அசோசியேஷன் (ஐஆர்ஐஏ) சார்பில் 23-வது ‘கதிரியக்க ஆசிய மாநாடு’ மற்றும் 77-வது ஆண்டு கருத்தரங்கம் சென்னை வர்த்தக மையத்தில் நேற்று தொடங்கியது.

சுகாதாரத்துறை அமைச்சர் மா.சுப்பிரமணியன் தலைமை தாங்கி மாநாட்டை தொடங்கி வைத்தார். இஸ்ரோ விஞ்ஞானி மயில்சாமி அண்ணாதுரை முன்னிலை வகித்தார். இந்த மாநாடு 26-ம் தேதி வரைநடைபெறுகிறது. இதில் 44 நாடுகளில் இருந்து 6,000-க்கும் மேற்பட்டமருத்துவ நிபுணர்கள் பங்கேற்கின்றனர்.