கால்பந்து போட்டிகளில் இருந்து பிரேசில் முன்னணி வீரர் ஓய்வு அறிவிப்பு

ரியோடி ஜெனீரோ,

பிரேசிலின் முன்னணி கால்பந்து வீரரும், ரியல் மாட்ரிட் கிளப்புக்காக ஆடியவருமான மார்செலோ (வயது 36) கால்பந்து போட்டிகளில் இருந்து ஓய்வு பெறுவதாக அறிவித்துள்ளார். இவர் பிரேசில் அணிக்காக 58 சர்வதேச போட்டிகளில் ஆடி அதில் 6 கோல்கள் அடித்துள்ளார்.

2007-ம் ஆண்டு ஸ்பெயினில் உள்ள ரியல்மாட்ரிட் கிளப்பில் இணைந்த அவர் 16 சீசன்கள் விளையாடி உள்ளார். அந்த கிளப்புக்காக 6 முறை லா லிகா சாம்பியன் கோப்பை மற்றும் 5 முறை சாம்பியன்ஸ் லீக் கோப்பையை வென்றதில் முக்கிய பங்கு வகித்துள்ளார். அந்த அணியின் கேப்டனாகவும் பணியாற்றி இருக்கிறார் என்பது குறிப்பிடத்தக்கது.