காமராஜர் பல்கலை.யில் புதிய கன்வீனர் ஆய்வு

திருப்பரங்குன்றம், ஜன. 30: மதுரை காமராஜர் பல்கலைக்கழகத்தில், புதிய கன்வீனர் நேற்று ஆய்வு மேற்கொண்டார். மதுரை காமராஜர் பல்கலைக்கழகத்தில் துணை வேந்தர் இல்லாத நிலையில், தமிழக கல்லூரி கல்வி இயக்குநர் சுந்தரவல்லி பல்கலைக்கழக கன்வீனராக நியமிக்கப்பட்டார். இதன்படி கன்வீனராக நியமிக்கப்பட்ட அவர் பல்கலைக்கழக பணிகள் குறித்து ஆய்வு மேற்கொள்வது வழக்கம். இதன்படி நேற்று மதுரை காமராஜர் பல்கலைக்கழகத்தில் அவர் திடீர் ஆய்வு பணிகளை மேற்கொண்டார்.

இதில் தொலைநிலை கல்வி மையம் குறித்த புகார்கள், சம்பளம் மற்றும் ஓய்வூதியதாரர்கள் பிரச்னை, பேராசிரியர் மீது பெண் அலுவலர் கொடுத்த புகார் குறித்த விசாரணை நிலவரம், மாணவர்கள் நலன் சார்ந்து மேற்கொள்ள வேண்டிய பணிகள் உள்ளிட்டவற்றை ஆய்வு செய்தார். அப்போது கடந்த 4 ஆண்டுகளுக்கு பிறகு உரிய நேரத்தில் தேர்வு முடிவுகள் வெளியிட்டதுடன், மாணவர்களின் சான்றிதழ்களை உடனுக்குடன் வழங்க நடவடிக்கை எடுத்த தேர்வுத்துறை அலுவலர்களை அவர் பாராட்டினார்.

The post காமராஜர் பல்கலை.யில் புதிய கன்வீனர் ஆய்வு appeared first on Dinakaran.