கற்றலை எளிமையாக்கும் வழிமுறைகள்

இன்றைய சூழலில் நாம் அனைவருமே தொடர்ந்து எதையாவது கற்றுக் கொண்டுதான் இருக்கிறோம். ஆன்லைன் படிப்புகள் முதல் புதிய தொழில்நுட்பத் தயாரிப்புகள், தொழில்முறை மேம்பாட்டைத் தெரிந்து கொள்ள கற்றுக்கொள்ள வேண்டியது அவசியமாகிறது. நீங்கள் கற்பவராக இருந்தாலும் சரி, கல்வியாளராக இருந்தாலும் சரி, கற்றலை எளிமையானதாக்கவும் மிகவும் பயனுள்ளதாக்கவும் வழிகள் உள்ளனவா? என்று சில சமயங்களில் நீங்கள் யோசித்திருக்கலாம். கட்டாயம் அதற்கான சில வழிமுறைகள் உள்ளன. அவற்றில் சிலவற்றைப் பார்ப்போம்.

தொடர்புடைய கற்றல்: தொடர்புடைய கற்றல் என்பது புதிய தகவலை நீங்கள் ஏற்கனவே அறிந்தவற்றுடன் தொடர்புபடுத்துவதாகும். நீங்கள் நீண்ட பயிற்சித் திட்டத்தில் ஈடுபடும்போது இது ஒரு சிறந்த கற்றல் உத்தி. நீங்கள் ஏற்கனவே உள்ளடக்கிய பயிற்சியின் பகுதிகளுடன் நீங்கள் இணைப்புகளை உருவாக்கலாம். இந்த தொடர்புகளை உருவாக்குவது அறிவைச் சிறப்பாக வைத்திருக்க உதவும். உதாரணமாக, நீங்கள் ஒரு வெளிநாட்டு மொழியைக் கற்கிறீர்கள் என்றால், புதிய சொற்கள் அல்லது புதிய இலக்கண அமைப்புகளை உங்கள் தாய்மொழி அல்லது நீங்கள் பேசும் பிற மொழிகளிலிருந்து நீங்கள் ஏற்கனவே அறிந்தவற்றுடன் தொடர்புபடுத்தலாம். புதிய அம்சங்களை பழைய அம்சங்களுடன் தொடர்புபடுத்தி, வேறுபாடுகள் மற்றும் ஒற்றுமைகளைக் கவனியுங்கள். இது புதிய அறிவு உங்கள் மனதில் சிறப்பாகப் பதிய உதவும்.

கற்றுக்கொண்டதைக் கற்றுக் கொடுங்கள்: உங்களுக்கு வாய்ப்பு கிடைக்கும்போதெல்லாம், நீங்கள் கற்றுக்கொண்டதை மற்றவர்களுக்குக் கற்றுக்கொடுங்கள். நீங்கள் குழுக்களில் கற்கும்போது இது ஒரு சிறந்த பயிற்சியாகும். நீங்கள் பாடத்தை குழுவிற்குள் பிரிக்கலாம் மற்றும் உங்கள் பகுதியை விளக்கலாம்.

நீங்களே உங்களைச் சோதித்துக் கொள்ளுங்கள்: கற்றல் திறனை அதிகரிக்க உங்களை நீங்களே சோதித்துக்கொள்வது சிறந்த வழியாகும். உங்களை நீங்களே சோதித்துக்கொள்வது உங்கள் குறுகியகால நினைவாற்றலைக் கூர்மையாக்குகிறது. கற்றல் பொருட்களை சிறப்பாக நினைவுபடுத்துகிறது மற்றும் உங்கள் நீண்டகால நினைவாற்றலைப் பெரிதும் அதிகரிக்கிறது. உங்களுக்கு நீங்களே சொந்தமாக சிறிய வினாடி வினாக்களை உருவாக்கவும். நீங்களே கேள்விகளைக் கேளுங்கள், பின்னர் அவற்றுக்கு பதிலளிக்கவும். இதைச் செய்வது மிகவும் எளிமையானது மட்டுமல்ல மிகவும் பயனுள்ளதாக இருக்கும். மேலும், உங்கள் சோதனை மதிப்பெண்கள் நீங்கள் பாடத்தை எவ்வளவு நன்றாகப் புரிந்துகொண்டீர்கள் என்பதையும், ஏதேனும் கற்றல் தடைகள் உள்ளதா என்பதையும் உணர்த்தும். பயிற்சி உள்ளடக்கத்தை மதிப்பாய்வு செய்வதன் மூலம் உங்கள் பலவீனமான பகுதிகளை நீங்கள் மேம்படுத்தலாம்.

சிக்கல் அடிப்படையிலான கற்றல்: சிக்கல் அடிப்படையிலான கற்றல் என்பது பல்வேறு கருத்துகள் மற்றும் திறன்களை மாணவர்களுக்குக் கற்பிக்க நிஜ உலக சிக்கல்களைப் பயன்படுத்துவதில் கவனம் செலுத்தும் முறையாகும். உள்ளூர் சுற்றுச்சூழல் பிரச்னைக்கான தீர்வை வடிவமைப்பதில் இருந்து வணிகத் திட்டத்தை உருவாக்குவது வரை எதையும் இதில் உள்ளடக்கலாம். சிக்கல் அடிப்படையிலான கற்றல் மாணவர்களுக்குக் கற்றலை மிகவும் பொருத்தமானதாகவும் அர்த்தமுள்ளதாகவும் மாற்ற உதவும். மேலும் விமர்சன சிந்தனை மற்றும் சிக்கலைத் தீர்ப்பது போன்ற முக்கியமான திறன்களை வளர்க்கவும் உதவும். இப்படி பல்வேறு வழிமுறைகள் கற்றலை எளிமையாக்கவும், பயனுள்ளதாக்கவும் வகுக்கப்பட்டுள்ளன. இதுபோன்ற வழிமுறைகள் ஆசிரியர்கள் மாணவர்களுக்கு கற்பித்தலின்போது கையாளக் கைகொடுக்கும்.

The post கற்றலை எளிமையாக்கும் வழிமுறைகள் appeared first on Dinakaran.