19 hours ago
2
சுசீந்திரம் நவ.22: தெங்கம்புதூர் அருகே உத்தண்டன் குடியிருப்பு பகுதியைச் சேர்ந்தவர் லதா(52). இவர் வழுக்கம்பாறையில் நடந்த தனது உறவினர் திருமண நிகழ்ச்சியில் கலந்து கொள்வதற்காக உத்தண்டன் குடியிருப்பில் இருந்து வடசேரி செல்லும் பஸ்ஸில் பயணம் செய்தார். பறக்கை பகுதியில் பஸ் வந்தபோது லதா கழுத்தில் அணிந்திருந்த 5 பவுன் நகை திருடப்பட்டிருந்தது தெரியவந்தது. அதிர்ச்சி அடைந்த அவர் நகையை தேடி பார்த்தும் கிடைக்கவில்லை. இது குறித்து லதா சுசீந்திரம் போலீசில் புகார் செய்தார். புகாரின் பேரில் போலீசார் விசாரணை மேற்கொண்டு வருகிறார்கள். தெங்கம்புதூர், பறக்கை பகுதியில் உள்ள சிசிடிவி கேமரா காட்சிகளை கைப்பற்றி போலீசார் விசாரணை நடத்தி வருகிறார்கள். கூட்ட நெரிசலை பயன்படுத்தி மர்மநபர்கள் லதாவிடம் கைவரிசை காட்டி இருக்கலாம் என்று தெரிகிறது. போலீசார் கொள்ளையர்களை பிடிக்க தேடுதல் வேட்டையில் ஈடுபட்டுள்ளனர்.
The post ஓடும் பஸ்சில் பெண்ணிடம் 5 பவுன் செயின்பறிப்பு appeared first on Dinakaran.
English (US) ·