ஐ.எஸ்.எல். கால்பந்து: முகமதின் எஸ்.சி, மோகன் பகான் அணிகள் வெற்றி

பெங்களூரு,

13 அணிகளுக்கு இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்த தொடரில் இன்று 2 லீக் ஆட்டங்கள் நடைபெற்றன. அதன்படி, பெங்களூருவில் மாலை 5 மணிக்கு நடைபெற்ற ஆட்டத்தில் பெங்களூரு எப்.சி. - முகமதின் எஸ்.சி. அணிகள் மோதின. இந்த ஆட்டத்தில் முகமதின் எஸ்.சி. அணி 1-0 என்ற கோல் கணக்கில் பெங்களூரு அணியை வீழ்த்தி வெற்றி பெற்றது.

தொடர்ந்து இரவு 7.30 மணிக்கு அசாமில் நடைபெற்ற ஆட்டத்தில் மோகன் பகான் - ஈஸ்ட் பெங்கால் எப்.சி. அணிகள் மோதின. இந்த ஆட்டத்தில் மோகன் பகான் அணி சார்பில் ஜேமி மெக்லாரன் ஆட்டத்தின் 2-வது நிமிடத்தில் ஒரு கோல் அடித்தார். இந்த நிலையில் ஆட்டநேர முடிவில் மோகன் பகான் அணி 1-0 என்ற கோல் கணக்கில் ஈஸ்ட் பெங்கால் அணியை வீழ்த்தி வெற்றி பெற்றது.