ஐ.எஸ்.எல். கால்பந்து: ஜாம்ஷெட்பூர் அணியை வீழ்த்தி பெங்களூரு எப்.சி. வெற்றி

பெங்களூரு,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இதில் பெங்களூருவில் இன்றிரவு நடைபெற்ற ஆட்டத்தில் பெங்களூரு எப்.சி. - ஜாம்ஷெட்பூர் எப்.சி. அணிகள் மோதின.

இந்த ஆட்டத்தில் பெங்களூரு எப்.சி. அணி சார்பில் எட்கர் மெண்டெஸ் ஒரு கோலும்(43-வது நிமிடம்), அல்பெர்டோ 2 கோலும்(57, 82-வது நிமிடம்) அடித்தனர். அதே சமயம், ஜாம்ஷெட்பூர் அணி எந்த கோலும் அடிக்கவில்லை. இதையடுத்து ஆட்ட நேர முடிவில் பெங்களூரு எப்.சி. அணி 3-0 என்ற கோல் கணக்கில் வெற்றி பெற்றது.