உலகக் கோப்பை கால்பந்து தகுதி சுற்று: பராகுவேயிடம் அதிர்ச்சி தோல்வி கண்ட அர்ஜென்டினா

அசுன்சியோன்,

23-வது உலகக் கோப்பை கால்பந்து போட்டி 2026-ம் ஆண்டு ஜூன், ஜூலை மாதங்களில் அமெரிக்கா, கனடா, மெக்சிகோ ஆகிய 3 நாடுகளில் நடக்கிறது. 48 நாடுகள் பங்கேற்கின்றன. போட்டியை நடத்தும் நாடுகளை தவிர மற்ற அணிகள் தகுதி சுற்று மூலமே தேர்வாகும். தகுதி சுற்று பல்வேறு நாடுகளில் நடக்கின்றன.

இதில் தென்அமெரிக்க கண்டத்துக்கான தகுதி சுற்றில் இன்று நடைபெற்ற ஆட்டத்தில் அர்ஜென்டினா - பராகுவே அணிகள் மோதின. இந்த ஆட்டத்தில் எளிதில் வெற்றி பெறும் என கருதப்பட்ட அர்ஜென்டினா அணி யாரும் எதிர்பார்க்காத வண்ணம் 1-2 என்ற கோல் கணக்கில் பராகுவேயிடம் அதிர்ச்சி தோல்வி கண்டது.