உடல் நலக்குறைவால் இறந்த சென்னை எஸ்.ஐ குடும்பத்துக்கு ரூ.15 லட்சம் நிதி திரட்டிய சக போலீஸார்! 

சென்னை: உடல் நலக்குறைவால் உயிரிழந்த எஸ்.ஐ குடும்பத்துக்கு சக போலீஸார் ரூ.14 லட்சம் நிதி திரட்டினர். அதனுடன் ரூ.1 லட்சம் சேர்த்து ரூ.15 லட்சமாக சென்னை காவல் ஆணையர் அருண் இன்று உரியவர்களிடம் ஒப்படைத்தார்.

சென்னை ராஜீவ் காந்தி அரசு பொது மருத்துவமனை காவல் நிலையத்தில் பணிபுரிந்து வந்த சிறப்பு உதவி ஆய்வாளர் கோபு என்பவர் பணியில் இருந்த போது உடல் நலக்குறைவால் கடந்தாண்டு கடந்த செப்.11-ம் தேதி உயிரிழந்தார். இவருக்கு உமா மகேஸ்வரி என்ற மனைவி மற்றும் சாய்சந்தீப் (23), ஶ்ரீராகவ் (19), சாய்சவரேஷ் (14) ஆகிய 3 மகன்கள் உள்ளனர். உதவி ஆய்வாளர் கோபு இறந்ததால் அவரது குடும்பம் சிரமத்துக்கு உள்ளானது.