ஈரோடு வேட்பாளர் தேர்வில் அதிருப்தி: திமுக தலைமையை அதிர்ச்சிக்குள்ளாக்கிய ‘கலகக்குரல்’

ஈரோடு: ஈரோடு கிழக்கு தொகுதி வேட்பாளராக சந்திரகுமார் தேர்வு செய்யப்பட்டதை எதிர்த்து, ஈரோடு மாவட்ட திமுக துணைச்செயலாளர் செந்தில்குமார், சமூக வலைதளம் மூலம் எழுப்பிய, ‘கலகக்குரலால்’ திமுக தலைமை அதிர்ச்சியடைந்துள்ளது.

ஈவிகேஎஸ் இளங்கோவன் மறைவை அடுத்து ஈரோடு கிழக்கு தொகுதிக்கு பிப்ரவரி 5-ம் தேதி இடைத்தேர்தல் நடக்கவுள்ளது. ஈரோடு கிழக்கு தொகுதியில் போட்டியிட முடிவு செய்த திமுக, காங்கிரஸ் டெல்லி தலைமையிடம் பேசி, தொகுதியைக் கேட்டுப் பெற்றது. இத்தொகுதி திமுக வேட்பாளராக வி.சி.சந்திரகுமார் அறிவிக்கப்பட்டுள்ளார்.