ஈரோடு-செங்கோட்டை, திருச்சி பயணிகள் ரெயில் சேவையில் மாற்றம்

18 hours ago 1

ஈரோடு,

பாசூர் ரெயில் நிலையத்துக்கும், ஊஞ்சலூர் ரெயில் நிலையத்துக்கும் இடையே ரெயில்வே பாலம் பராமரிப்பு பணிகள் இன்று (வியாழக்கிழமை), நாளை மறுநாள் (சனிக்கிழமை) என 2 நாட்கள் நடைபெற உள்ளது. இதன் காரணமாக ரெயில் சேவையில் மாற்றம் செய்யப்பட்டுள்ளது.

அதன்படி ஈரோடு-செங்கோட்டை பயணிகள் ரெயில் மேற்கண்ட 2 நாட்களும் ஈரோட்டில் இருந்து இயக்கப்படாமல் கரூரில் இருந்து புறப்பட்டு செங்கோட்டை நோக்கி செல்லும். இதேபோல் செங்கோட்டையில் இருந்து ஈரோட்டுக்கு இயக்கப்படும் பயணிகள் ரெயில் இந்த 2 நாட்கள் மட்டும் செங்கோட்டையில் இருந்து கரூர் வரை மட்டுமே இயக்கப்படும்.

மேலும் ஈரோட்டில் இருந்து திருச்சிக்கு இயக்கப்படும் பயணிகள் ரெயில் கரூரில் இருந்து திருச்சி வரையும், திருச்சியில் இருந்து ஈரோட்டுக்கு இயக்கப்படும் பயணிகள் ரெயில் திருச்சியில் இருந்து கரூர் வரையும் மேற்கண்ட 2 நாட்கள் மட்டும் இயக்கப்படும் என சேலம் ரெயில்வே கோட்டம் சார்பில் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.  

Read Entire Article