இன்று பணி ஓய்வு பெறுகின்ற 33 காவல் துறையினரின் பணியை பாராட்டி சான்றிதழ்கள் வழங்கினார் சென்னை காவல் கூடுதல் ஆணையாளர்

சென்னை: சென்னை காவல் ஆணையரகத்தில் நடைபெற்ற காவல் அதிகாரிகள், அலுவலர்களின் பணி நிறைவு விழாவில், கூடுதல் காவல் ஆணையாளர், இன்று பணி ஓய்வு பெறுகின்ற 33 காவல் துறையினரின் பணியை பாராட்டி சான்றிதழ்கள் வழங்கினார். சென்னை, காவலில் பணிபுரிந்து வரும் K.மாதேஸ்வரன், உதவி ஆணையாளர், வரதட்சனை தடுப்புப்பிரிவு, G.தெய்வநாயகி, முதுநிலை நிர்வாக அதிகாரி (அமைச்சுப்பணியாளர்), D.இசக்கிபாண்டி காவல் ஆய்வாளர், 16 காவல் உதவி ஆய்வாளர்கள், 13 சிறப்பு காவல் உதவி ஆய்வாளர்கள் மற்றும் 1 தலைமைக் காவலர் உள்ளிட்ட மொத்தம் 33 காவல் அதிகாரிகள், ஆளிநரகள் மற்றும் அலுவலர்கள் இன்று (31.01.2025) பணி ஓய்வு பெறுகின்றனர்.

சென்னை காவல் ஆணையாளர் ஆ.அருண், உத்தரவின்பேரில், இன்று வேப்பேரி, சென்னை காவல் ஆணையரகத்தில் நடைபெற்ற பணி நிறைவு விழாவில், சென்னை காவல் கூடுதல் ஆணையாளர் (தலைமையிடம்) கபில் கமார் சி.சரட்கர், சென்னை பெருநகர காவலில் பணிபுரிந்து இன்று ஓய்வு பெறுகின்ற 33 காவல் துறையினர் சுமார் 25 ஆண்டுகளுக்கும் மேலாக சிறப்பாக பணிபுரிந்ததை பாராட்டி, தமிழக காவல்துறைக்கும், சென்னை பெருநகர காவல்துறைக்கும் பெருமை சேர்த்ததை நினைவு கூர்ந்து, சால்வை மற்றும் மாலை அணிவித்து பாராட்டி, சான்றிதழ்கள் வழங்கினார்.

கூடுதல் காவல் ஆணையாளர், ஓய்வு பெறுகின்ற காவல் குடும்பத்தினரிடம், காவல்துறைக்கு ஒத்துழைப்பு அளித்தமைக்காக நன்றி தெரிவித்தும், பணி ஓய்வு பெறுகின்ற காவல் அதிகாரிகள், அலுவலர்கள் தங்களது உடல் நலத்தையும், குடும்பத்தையும் பேணி காக்க வேண்டும் என அறிவுறுத்தினார். இந்நிகழ்ச்சியில், காவல் இணை ஆணையாளர் (தலைமையிடம்) திரு.சரோஜ்குமார் தாகூர், துணை ஆணையாளர் (நிர்வாகம்) K.அதிவீரபாண்டியன் மற்றும் ஓய்வு பெறுகின்ற காவல் அலுவலர்களின் குடும்பத்தினர் கலந்து கொண்டனர்.

The post இன்று பணி ஓய்வு பெறுகின்ற 33 காவல் துறையினரின் பணியை பாராட்டி சான்றிதழ்கள் வழங்கினார் சென்னை காவல் கூடுதல் ஆணையாளர் appeared first on Dinakaran.