இந்தியன் வங்கி, `இந்து தமிழ் திசை' சார்பில் கண்காணிப்பு விழிப்புணர்வு வார நிகழ்ச்சி: நவ. 3-ம் தேதி இணையவழியில் நடைபெறுகிறது

சென்னை: கண்காணிப்பு விழிப்புணர்வு வாரம் 2024-ஐ முன்னிட்டு, இந்தியன் வங்கி மற்றும் ‘இந்து தமிழ் திசை’ இணைந்து நடத்தும் இணைய வழியிலான விழிப்புணர்வு நிகழ்வு நவ. 3-ம் தேதி நடைபெற உள்ளது.

அக்டோபர் 28 முதல் நவம்பர் 3-ம் தேதி வரை ‘கண்காணிப்பு விழிப்புணர்வு வாரம் – 2024’ நடத்தப்படுகிறது. இதையொட்டி, நவ. 3-ம் தேதி (ஞாயிற்றுக்கிழமை) மாலை 5 மணிக்கு இணைய வழியிலான விழிப்புணர்வு நிகழ்ச்சி நடைபெற உள்ளது. இந்த வெப்பினாரில் ஆர்வமுள்ள அனைவரும் பங்கேற்கலாம். இதில் பங்கேற்க கட்டணம் ஏதுமில்லை. வரும் நவ. 3 மாலை 5 மணிக்கு நடைபெறவுள்ள இந்தவெப்பினாரில் ‘வளமான தேசத்துக்கு நேர்மை எனும் கலாச்சாரம்’ என்ற தலைப்பில் வருமான வரித்துறை ஆணையர் கே.நந்தகுமார், இந்தியன் வங்கியின் துணைப் பொது மேலாளர் எம்.ஆறுமுகம் ஆகியோர் சிறப்பு விருந்தினராகப் பங்கேற்று, உரையாற்ற உள்ளனர்.