ஆஸ்திரேலிய ஓபன் டென்னிஸ்; ஜன்னிக் சின்னெர் காலிறுதிக்கு முன்னேற்றம்

மெல்போர்ன்,

ஆண்டின் முதல் 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இதில் இன்று நடைபெற்ற ஆண்கள் ஒற்றையர் பிரிவின் 4வது சுற்று ஆட்டம் ஒன்றில் முன்னணி வீரர்களான ஜன்னிக் சின்னெர் (இத்தாலி) - ஹோல்கர் ரூனே (டென்மார்க்) ஆகியோர் மோதினர்.

இந்த ஆட்டத்தின் முதல் செட்டை 6-3 என்ற புள்ளிக்கணக்கில் ஜன்னிக் சின்னெரும், 2வது செட்டை 6-3 என்ற புள்ளிக்கணக்கில் ஹோல்கர் ரூனேவும் கைப்பற்றினர். இதையடுத்து நடைபெற்ற 3வது மற்றும் 4வது செட்டை 6-3, 6-2 என்ற புள்ளிக்கணக்கில் ஜன்னிக் சின்னெர் கைப்பற்றினார்.

இதன் மூலம் 6-3, 3-6, 6-3, 6-2 என்ற செட் கணக்கில் ஹோல்கர் ரூனேவை வீழ்த்தி ஜன்னிக் சின்னெர் வெற்றி பெற்றார். இந்த வெற்றியின் மூலம் ஜன்னிக் சின்னெர் காலிறுதி சுற்றுக்கு முன்னேறினார்.