ஆற்றில் இருந்து மணல் கடத்தியவர் கைது

காட்டுமன்னார்கோவில், ஜன. 30: காட்டுமன்னார்கோவில் அடுத்த மா.உடையூர் பகுதியில் உள்ள கொள்ளிடம் ஆற்றில் மணல் திருட்டு நடைபெறுவதாக காட்டுமன்னார்கோவில் காவல் நிலையத்திற்கு தகவல் கிடைத்தது. இதையடுத்து காட்டுமன்னார்கோவில் காவல் உதவி ஆய்வாளர் மணிகண்டன் மற்றும் போலீசார், அப்பகுதியில் ரோந்து பணியில் ஈடுபட்டனர்.அப்போது ஒருவர் இரு சக்கர வாகனத்தில் சாக்கு மூட்டைகளுடன் வந்தார். அவரை போலீசார் நிறுத்தி விசாரணை நடத்தியபோது, ஆழங்காத்தான் பகுதியை சேர்ந்த ரமேஷ் என்பதும், ஆற்றில் இருந்து மணல் எடுத்து வந்ததும் தெரிய வந்தது. இது குறித்து போலீசார் வழக்கு பதிந்து ரமேஷை கைது செய்து அவரிடமிருந்து 4 மணல் மூட்டைகள் மற்றும் இரு சக்கர வாகனத்தை பறிமுதல் செய்தனர்.

The post ஆற்றில் இருந்து மணல் கடத்தியவர் கைது appeared first on Dinakaran.