ஆன்லைன் ரம்மியில் பணத்தை இழந்த வங்கி துணை மேலாளர் நாமக்கல் மாவட்டம் மோகனூர் அருகே தற்கொலை..!!

நாமக்கல்: ஆன்லைன் ரம்மியில் பணத்தை இழந்த வங்கி துணை மேலாளர் நாமக்கல் மாவட்டம் மோகனூர் அருகே தற்கொலை கொண்டார். ஆன்லைன் ரம்மி விளையாடி லட்சக்கணக்கில் பணம் இழந்த விரக்தியில் தனியார் வங்கியின் துணை மேலாளர் ரயிலில் பாய்ந்து தற்கொலை செய்து கொண்ட சம்பவம் நாமக்கல் மாவட்டத்தில் பரபரப்பை ஏற்படுத்தி உள்ளது. திருச்சி மாவட்டம் காட்டுப்பூர் அருகே உள்ள வங்கியில் துணை மேலாளராக பணிபுரிபவர் ஜெயக்குமார்.

இவர் ஈரோடு மாவட்டத்தில் உள்ள தனியார் வங்கியில் துணை மேலாளராக பணிபுரிந்து வருகிறார். இவர் குடும்பத்துடன் காட்டுப்பூரில் உள்ளார். இவர் கடன் தொல்லையால் பல இடங்களில் பிரச்சனைகளை சந்தித்து வந்துள்ளார். இவர் ஆன்லைன் ரம்மி விளையாடிய நிலையில் பல கோடி ரூபாய் இழந்ததாகவும் அதனால் துக்கம் தங்க முடியாமல் நேற்று மாலை நாமக்கல் அருகே உள்ள மோகனூர் நெய்க்காரன்பட்டி என்ற இடத்தில் சென்றுள்ளார்.

பின்னர், சேலத்திலிருந்து- மயிலாடுதுறை செல்லும் ரயில் முன் பாய்ந்து தற்கொலை செய்து கொண்டார். இதனை கண்ட அக்கம் பக்கத்தினர் கரூர் ரயில்வே போலீசாருக்கு தகவல் தெரிவித்தனர். பின்னர் சம்பவ இடத்திற்கு வந்த மோகனூர் போலீசார் வழக்குப்பதிவு செய்து விசாரணை நடத்தி வருகின்றனர். குறிப்பாக ஆன்லைன் ரம்மியில் பல கோடி பணம் இழந்த வங்கி மேலாளர் தற்கொலை செய்து கொண்ட சம்பவம் அந்த பகுதியில் பரபரப்பை ஏற்படுத்தி உள்ளது.

The post ஆன்லைன் ரம்மியில் பணத்தை இழந்த வங்கி துணை மேலாளர் நாமக்கல் மாவட்டம் மோகனூர் அருகே தற்கொலை..!! appeared first on Dinakaran.