“ஆட்சியில் கூட்டணிக் கட்சிகளுக்கு பங்கு என்பதில் தவறில்லை; கட்சியின்  வளர்ச்சிக்கு உதவும்” - ஜி.கே.வாசன்

மதுரை: “தமிழகத்தில் ஆட்சியில் கூட்டணிக் கட்சிகளுக்கு பங்கு என்பதில் தவறில்லை. அது, கட்சியின் வளர்ச்சிக்கு உதவும்.” என மதுரையில் தமாகா தலைவர் ஜி.கே.வாசன் கூறியுள்ளார்.

மதுரை செல்லூர் பகுதியில் ‘பாலாஜி மல்டி ஸ்பெஷாலிட்டி’ என்ற தனியார் மருத்துவமனையை தமாகா தலைவர் ஜி.கே.வாசன் இன்று (நவ.8) திறந்து வைத்தார். அதன்பின் செய்தியாளர்களிடம் அவர் கூறியதாவது: “சென்னைக்கு அடுத்து மக்கள் தொகை அதிகரித்துள்ள மதுரைக்கு பல்வேறு வளர்ச்சி, வசதிகள் என்பது தேவை. பல போட்டிகளுக்கு இடையில் மத்திய அரசு மதுரைக்கு எய்ம்ஸ் மருத்துவமனையை கொண்டு வந்துள்ளது. அது, படிப்படியாக முன்னேறி வருகிறது. இம்மருத்துவமனையை பிரதமர் மோடி திறந்து வைக்கும் நிலை ஏற்படும்.