அயர்லாந்து - வெஸ்ட் இண்டீஸ் 2-வது ஒருநாள் போட்டி: மழை காரணமாக ஆட்டம் ரத்து

டப்ளின்,

வெஸ்ட் இண்டீஸ் கிரிக்கெட் அணி அயர்லாந்தில் சுற்றுப்பயணம் மேற்கொண்டு தலா 3 போட்டிகள் கொண்ட டி20 மற்றும் ஒருநாள் தொடரில் விளையாடி வருகிறது. இதில் இவ்விரு அணிகளுக்கு இடையே முதலில் ஒருநாள் தொடர் நடைபெற்று வருகிறது. இதன் முதல் ஒருநாள் போட்டியில் அயர்லாந்து வெற்றி பெற்று தொடரில் 1-0 என்ற கணக்கில் முன்னிலையில் இருந்தது.

இதனையடுத்து இவ்விரு அணிகள் இடையிலான 2-வது ஒருநாள் போட்டி இன்று நடைபெற்றது. இதில் டாஸ் வென்ற அயர்லாந்து பந்துவீச்சை தேர்வு செய்தது. அதன்படி முதலில் பேட்டிங் செய்த வெஸ்ட் இண்டீஸ் அணி 50 ஓவர்கள் முடிவில் 8 விக்கெட்டுகளை இழந்து 352 ரன்கள் குவித்தது. அதிகபட்சமாக கீசி கார்டி 102 ரன்கள் குவித்தார். அயர்லாந்து தரப்பில் லியாம் மெக்கார்த்தி 3 விக்கெட்டுகள் வீழ்த்தினார்.

பின்னர் அயர்லாந்து இலக்கை நோக்கி களமிறங்கும் தருவாயில் மழை குறுக்கிட்டது. இதனால் ஆட்டத்தை மீண்டும் தொடங்குவதில் தாமதம் ஏற்பட்டது. மழை நீண்ட நேரமாகியும் நிற்காததால் ஆட்டம் ரத்து செய்யப்படுவதாக நடுவர்கள் அறிவித்தனர்.

இதனால் 3 போட்டிகள் கொண்ட ஒருநாள் தொடரில் அயர்லாந்து 1-0 என்ற கணக்கில் முன்னிலையில் தொடருகிறது. இதனையடுத்து இவ்விரு அணிகள் இடையிலான 3-வது மற்றும் கடைசி டி20 போட்டி 25-ம் தேதி நடைபெற உள்ளது.