3வது டெஸ்ட்: வெஸ்ட் இண்டீஸ் அபார பந்து வீச்சு... ஆஸி. 225 ரன்களுக்கு ஆல் அவுட்

ஜமைக்கா,

வெஸ்ட் இண்டீஸ் சுற்றுப்பயணம் மேற்கொண்டுள்ள ஆஸ்திரேலிய அணி 3 டெஸ்ட், 5 டி20 போட்டிகள் கொண்ட தொடரில் விளையாடி வருகிறது. இதில், 2 டெஸ்ட்களில் ஆஸ்திரேலியா வென்ற நிலையில் இரு அணிகளுக்கும் இடையேயான 3வது டெஸ்ட் ஜமைக்காவில் நேற்று தொடங்கியது. இதில் டாஸ் வென்ற ஆஸ்திரேலியா முதலில் பேட்டிங் தேர்வு செய்தது.

இதையடுத்து, முதல் இன்னிங்சை தொடங்கிய ஆஸ்திரேலிய அணி அனைத்து விக்கெட்டுகளையும் இழந்து 225 ரன்கள் எடுத்தது. அந்த அணியின் ஸ்டீவ் ஸ்மித் அதிகபட்சமாக 48 ரன்கள் சேர்த்தார். கிரீன் 46 ரன்கள் சேர்த்தார். வெஸ்ட் இண்டீஸ் தரப்பில் அந்த அணியின் ஷமார் ஜோசப் 4 விக்கெட்டுகளையும் , ஜேடன் சீல்ஸ் 3 விக்கெட்டுகளையும் வீழ்த்தினர்.

இதையடுத்து, வெஸ்ட் இண்டீஸ் அணி முதல் இன்னிங்சை தொடங்கி விளையாடி வருகிறது. தற்போதைய நிலவரப்படி, வெஸ்ட் இண்டீஸ் 2 விக்கெட்டுகள் இழப்பிற்கு 32 ரன்கள் சேர்த்துள்ளது. ரோஸ்டன் 9 ரன்னிலும், ஜான் 4 ரன்னிலும் களத்தில் உள்ளனர்.