"3 பிஎச்கே" படத்தின் "கனவெல்லாம்" பாடல் புரோமோ வெளியீடு

சென்னை,

தமிழ் சினிமாவின் முன்னணி நடிகராக வலம் வருபவர் சித்தார்த். இவர் நடிப்பில் கடைசியாக வெளியான படம் 'மிஸ் யூ'. 7 மைல்ஸ் பெர் செகண்ட் தயாரிப்பு நிறுவனம் சார்பில் என்.ராஜசேகர் இயக்கிய இப்படம் கலவையான விமர்சனங்களையே பெற்றது.

அதனை தொடர்ந்து நடிகர் சித்தார்த் '3 பிஎச்கே' படத்தில் நடிக்கிறார். இது சித்தார்த்தின் 40-வது படமாகும். இந்த படத்தை 8 தோட்டாக்கள், குருதி ஆட்டம் படங்களை இயக்கிய ஸ்ரீ கணேஷ் இயக்குகிறார். சாந்தி டாக்கீஸ் நிறுவனம் தயாரிக்கும் இப்படத்தில் சித்தார்த்துடன் மீதா ரகுநாத், சைத்ரா, சரத்குமார் மற்றும் தேவயானி ஆகியோர் முக்கிய கதாபாத்திரங்களில் நடிக்கின்றனர்.

இப்படத்திற்கு அம்ரித் ராம்நாத் இசையமைக்கிறார். சித்தார்த்தின் 40-வது படத்தின் டீசர் வெளியாகி வைரலானது. இப்படத்திற்கு அம்ரித் ராம்நாத் இசையமைக்கிறார். அம்ரித் ராம்நாத் கடந்தாண்டு வெளியான வருஷங்களுக்கு சேஷம் என்ற மலையாள திரைப்படத்தில் இசையமைப்பாளராக அறிமுகமானார் என்பது குறிப்பிடத்தக்கது.

இப்படம் 3 பிஎச்கே வீடு வாங்க ஆசைப்படும் குடும்பத்தின் கதையாக இருக்கும் என்று எதிர்பார்க்கப்படுகிறது. இப்படத்தின் படப்பிடிப்பு பணிகள் சமீபத்தில் நிறைவடைந்துள்ளது இதனை படக்குழு கேக் வெட்டி கொண்டாடியுள்ளனர். இந்த வீடியோவை படக்குழு வெளியிட்டுள்ளது. இப்படம் வருகிற ஜூலை மாதம் 4-ம் தேதி வெளியாகிறது

இந்நிலையில் சரத் குமார், தேவயானி, சித்தார்த் நடிப்பில் உருவாகியுள்ள '3 பிஎச்கே' திரைப்படத்தின் முதல் பாடலான 'கனவெல்லாம்' நாளை மாலை 6 மணிக்கு வெளியாகும் என படக்குழு அறிவித்துள்ளது. இப்படத்தின் "கனவெல்லாம்" பாடல் புரோமோ வெளியாகியுள்ளது.