வேளாண் பல்கலை.யில் 15 ஆயிரம் விதை பந்துகள் தயாரித்து சாதனை

கோவை, செப். 30: கோவை வேளாண் பொறியியல் கல்லூரி மற்றும் ஆராய்ச்சி நிலையத்தில் மெகா விதைப்பந்து தயாரிப்பு நிகழ்ச்சி நடந்தது. இதில், பல்கலைக்கழகத்தை சேர்ந்த சுமார் ஆயிரம் மாணவர்கள் மற்றும் ஆசிரியர்கள் கலந்து கொண்டு சுமார் 15 ஆயிரத்திற்கும் மேற்பட்ட விதை பந்துகளை தயார் செய்தனர். அவர்கள், ஒரு விகிதத்தில் சிவப்பு மண் மற்றும் மண்புழு உரம் பயன்படுத்தி கொண்டு கஸ்ஸட் மரம், சீத்தாப்பழம், பட்டு பருத்தி, இந்திய சிரிஸ், வேம்பு, பசிபிக் ரோஸ்வுட் மற்றும் ரெயின் ட்ரீ போன்ற விதை பந்துகளை தயாரித்தனர்.

விழாவில், பேராசிரியர் ரவிராஜ் வரவேற்றார். பல்கலைக்கழகத்தின் துணைவேந்தர் கீதாலட்சுமி தலைமை வகித்தார். அப்போது அவர், இந்த மாபெரும் விதைப்பந்து தயாரிப்பு நிகழ்ச்சி சுற்றுச்சூழலைப் பாதுகாப்பது மற்றும் பாதுகாப்பது குறித்த விழிப்புணர்வை ஏற்படுத்தும். மரங்கள் மற்றும் காலநிலை மாற்றம், அடர்ந்த காடாக மாற்றவும், பல உயிரினங்களுக்கு அடைக்கலம் அளிக்கவும் உதவும் என்றார்.

தொடர்ந்து விதைப்பந்து தயாரிப்பு போட்டியில் வெற்றி பெற்றவர்களுக்கு துணைவேந்தர் பரிசுகளை வழங்கினார். இதில், வேளாண் பல்கலைக்கழக விஞ்ஞானிகள் மற்றும் மாணவர்கள் சர்வதேச வாசவி கிளப் ஏற்பாடு செய்த ஒரு கோடி விதைப்பந்துகள் தயாரிப்பில் பங்கேற்று உலக சாதனை நிகல்வில் ஆர்வத்துடன் கலந்து கொண்டனர்.

The post வேளாண் பல்கலை.யில் 15 ஆயிரம் விதை பந்துகள் தயாரித்து சாதனை appeared first on Dinakaran.