“விவசாயிகளுக்கு எதிராக செயல்பட்டால் 2026-ல் திமுகவை எதிர்த்து களமிறங்குவோம்” - பி.ஆர்.பாண்டியன் எச்சரிக்கை

மதுரை: “தமிழக விவசாயிகளுக்கு எதிராக திமுக அரசு செயல்பட்டால் 2026 தேர்தலில் திமுகவை எதிர்த்து களமிறங்குவோம்” என பி.ஆர்.பாண்டியன் எச்சரித்துள்ளார்.

மதுரையில் தமிழ்நாடு அனைத்து விவசாய சங்கங்களின் ஒருங்கிணைப்புக் குழுவின் தென் மண்டல ஆலோசனைக் கூட்டம் இன்று நடந்தது. குழுவின் தலைவர் பி.ஆர்.பாண்டியன் தலைமை வகித்தார். விவசாய சங்கங்களின் பிரதிநிதிகள் பங்கேற்றனர். கூட்டத்திற்கு பிறகு பி.ஆர்.பாண்டியன் செய்தியாளர்களிடம் கூறியதாவது: “திமுக அரசு பொறுப்பேற்றது முதல் நீர்பாசனத்துறை முடங்கிக் கிடக்கிறது. காவிரி, குண்டாறு இணைப்பு திட்டமும் முடக்கப்பட்டுள்ளது.